شباب من اجل التهييس

2009-07-12T15:28:00.000-07:00

الحشيش أفيون الشعوب

2008-10-08T13:00:00.000-07:00

الحشيش ده مش منيم الشعب ولا ساطله، هو مقلل نسب السكر والقلب مقارنة باللي المفروض نبقي عليه في ظل كل اللي بيحصلنا كمصريين وكعرب عموما، الحشيش كمان بيجمع الطبقات كلها حوالين جوزة واحدة(او جوان او كوباية واحدة)، الحشيش مش بتاع الاغنية بس، لازم الغني يدي الفقير انشاله ربع، ده اكيد يعني هايخفف من شعوره بانه مظلوم في البلد وهايعمم جو الالفة بين افراد الشعب الواحد، الحشيش مش بتاع المسلمين ولا بتاع المسيحيين، الحشيش بتاع الشعب
الحشيش للجميع يا اخواني، هذا ونتمني ان يتوفر قريبا بالسوبرماركتس الكبيرة لتغطية حاجة الجماهير، ويا بقي لو الريس يأمر بفصل الانتاج عن التوزيع ويعمل اكشاك، يبقي بجد راجل وطني وكفائة

المصريين مش قادرين يعملوا وحدة وطنية، ومش قادرين يتواصلوا بين طباقتهم، المصريين مابيعرفوش يعملوا توزيع عادل، في اي حاجة، الا الحشيش، علشان كده انا معجب جدا بالحشيش مسبب التماسك الاجتماعي والديني والمؤسسي في مصر

2008-08-04T04:18:00.000-07:00

اللبنانيين نوعين:نوع شغلته مغني بس بيرقص، ونوع شغلته سياسة بس بيغني

الرجال في مصر نوعين:نوع بيحوش عشان يتجوز، ونوع بيحوش عشان يطلق

مصر اتأثرت اوي بالفقر، بس اكتر حاجة اتأثرت فيها، البنات
بتتولد، يعلموها عشان العريس بيبقي عاوز واحدة متعلمة، او مايعلموهاش عشان العريس اللي ممكن يجيلها هايبقي تعليمه علي قده
لما ترفع يقولولها"كلي شوية انتي فاضحانا، رجلك رفيعة كده ليه؟" ولما تتخن يقولولها"لا خسي، انشالله حتي لحد ماتتجوزي وبعدين ابقي اتخني علي كيفك"-بعد ماتقفش العريس-

كل اللي ماتو في ال 27 سنة اللي فاتوا اكيد ربنا هايخفف عنهم الحساب، بس الاكيد ان اي حد مات في ال8سنين اللي فاتوا جوا الحدود المصرية كتب عند الله شهيدا، عشان كده المفتي قال علي المهاجرين مش شهداء، اصلهم ماتوا علي سواحل ايطاليا

من اكتر الناس اللي متأثرة بالحالة الاقتصادية النشالين، لان مافيش حاجة يسرقوها، واكتر حد مستفيد الامن، المواطن فاكر انهم قضوا عالنشالين مع انه مالحظش انهم لسه موجودين لانهم مالقيوش حاجة معاه تتنشل

-بعد 3 ايام من السحل في ارض جدو الباشا اكتشفت حاجتين مهمين جد:
ان محمد فوزي كان بيرفع مية بدليل انه قال "محلاها عيشة الفلاحة"
وان الحكمة في خلق الدبان انه يختبر الايمان الصبح والحكمة من خلق الناموس انه يختبره بالليل

الشيء الوحيد اللي مصبرني عالخطيئة ان اكيد الحور العين هايبقوا لبنانيات

اسرائيل اسست في المكان ده عشان محاطة بدول مليئة بالمزز

كل ماشوف محلل سياسي يطلع يقول "المنطقة ساخنة بسبب وجود الكيان الصهيوني" بس اللي عاوز اقوله، ان ومع ان الاسرائيليات جامدين، الا ان المنطقة سخنة من قبل كده، من ايام الفينقيين والشراكسة

الحاجة الوحيدة اللي ممكن تخلي البطيئ يمشي عاليميين والسريع عالشمال انهم يحطوا علامة المعوقين والعجزة(بتاعة المترو ديه) عالحارة الشمال، العاجز هايبقي عاوز يقول انه مش عاجز وهايمشي عاليمين، والسريع هايبقي عاوز يبقي قوي فهايمشي في حارة العجزة

اي حد ينزل الاسماعلية لازم يروح لأونكل عنتر الجميل( جنب مبني امن الدولة المعروف بالبيت الابيض وفي وش مبني المخابرات العسكرية اللي المفروض انه سري)

الواد السلفي لما قال ان الضرايب حرام، قلتلوا امال انت ازاي عاوز تتعلم وتتعالج والرصيف ده يترصف، قالي كل ده ممكن نعمله من بيت مال المسلمين!!!!

ليه الاسلام حرم الوئد؟!، يعني لو كان حلال كان زمانا وئدنا كل البنات اللي في مصر واستوردنا بقي علي نضيف

2008-07-05T04:33:00.000-07:00

لو كان عندنا حدود مع لبنان، واتفتحت وقت الحرب الاهلية، كانت بناتنا عنست للابد

2008-05-01T10:17:00.000-07:00

الكلاب ديه نجاسة وبتطرد الملايكة!
قالها كده
ففكرت، تخيلوا كل اللي سرقوا البلد عندهم كلاب حراسة معاهم دايما
مش عارفيين نغيرهم وكمان مش هايتحسبوا عشان دايما الملايكة اللي بتكتب الحسنات والسيئات بتبقي واقفة بعيد
بجد حاجة ذل، متظبطين دنيا واخرة ولاد التيت

2008-04-15T11:39:00.000-07:00

كنت عمال بافكر في الكاميرا بعد مابويا خدها معاه وهو مسافر
ياه اسبوعين منغير كاميرا
فوصلت لاكتشاف غريب
العين يا جدعان حديثة اخر حاجة
تخيلوا بتشوف في الضلمة وصورة واضحة ومش مهزوزة
تخيلوا كده بقي لو بنعرف نصور بعنيننا، تبربش تقوم مصور، وصورة واضحة منغير فلاش
لا وبتعمل
auto zooming
لا وهانصور فيديو كمان، والذاكرة مفتوحة معاك
المشكلة كلها في ازاي هانرفع الصور عالفيس بوك مثلا
ممكن نعمل اختراع تاني-في قاعدة تانية- ونتوصل لاننا نقدر نحط الفلاشة في وداننا وناخد عليها الصور
او حتي نحط كابل في مناخيرنا
لا وايه بقي لو قدرنا نعمل
blue tooth
هاتبقي قوية كيك

2008-03-14T15:40:00.001-07:00

كنت باتكلم مع علاء ونادين علي الجنة وهانعمل ايه فيها
انا عن نفسي بادعي اكون المصري الوحيد في الجنة، صحيح المصريين طالع ميتين ابوهم ويستاهلوا يدخلوا الجنة بس انا لو دخلت الجنة مش هابقي مبسوط
يعني المصريين في الجنة هايتفوا في الارض، ولو مافيش جزم(باستثناء بعض الناس اللي هاتتسيح وتتعمل جزم لككفار يلبسوها في النار عمري ماسمعت عن الجزم لسكان الجنة)وانا باقرف اوي من اي حاجة فمابالك لو دوست علي تفة حد
المصريين ممكن ياكلوا كل الشجر ويحرجونا قدام المؤمنين الاجانب
المصريين هايرموا الزبالة عشان مايشتركوش في النظافة
ممكن واحد من المصريين يقمع الباقيين، والمصريين اكيد هايتخانقوا علي الحور العين
يانهار اسود المصريين هايبقوا فضيحة في الجنة
فادعوا معايا ان كلكوا تدخلوا النار وانا ادخل الجنة

2008-02-27T23:30:00.000-08:00

لما مرة لقيت كتاب عن الهة المثيولوجيا الاغريقية، قعدت افكر واقارن نفسي بيهم واحد واحد.
يعني لو كنت فنان، لأ، إله الفن "ابولو" مش كنت زماني مشهور والحريم بتتحدف عالميكروباص اللي انا راكبه
لو كنت زي "أثينة"-مش زيها في كل حاجة برضو عيب- كده في الحكمة والحنكة مش كنت هابقي عظمة
لو كنت زي "زيوس" في غشومية الانتقام مش كان زماني بهدلت البشر
لو كنت "هيرميس" مش كان زماني لفيت الكون
لو كنت "كيوبيد" كان زماني خليت اي بنت تحبني
ولو كنت "آريس " كنت زماني مابفيصش بسرعة في الجيم
هواري قالهالي: عاوز تبقي إله عيش كإله
خش معبد "زيوس" اقتله، اغتصب "فينوس"، وعلق "كيوبيد" من لغاليغه علي باب زويلة
وهو ده اللي ناوي اعمله

2008-01-10T01:24:00.000-08:00

كل المتع ربنا موفرها للانسان في الحلال، حت الدماغ، سبحان الله البرد بيعمل دماغ قوية جدا
يعني انا حاسس اني باتفرج علي فيلم سينما بعيون احدب نوتردام، مش فاهم اي حاجة في اي حاجة

2007-12-25T00:36:00.000-08:00

كنت باتفرج علي مسلسل انجليزي في ام بي سي اكشن فلاحظت حاجة غريبة قوي
كل الافلام والمسلسلات بيتصل واحد بصوت تخين وهو نفس الصوت زي كل الافلام، يطالب بالفيدية ودايما البوليس بيستنتجوا ان الصوت ده متزور الكترونيا وبيقبضوا علي واحد برئ يقعد يقول والله مانا والله مانا
ومافكروش ابدا ان اللي خطف هو نفس الفاعل في جميع مسلسلاتك وافلامك يا امريكا
وبكده الجريمة بتستمر رغم جهود البوليس
وطبعا هاتستمر الي ان يقرأ صانعي القرار الامريكي هذا البوست الاكتشاف

2007-11-22T10:38:00.000-08:00

انا قلت قبل كده ان مصر بلد الجنون المطلق (وانا من البلد ديه انا من البلد ديه) مافيش قانون اقصد قانون الدولة بس تخيلوا كده لو قوانين الطبيعة اختفت هي كمان، يعني مش الدنيا كانت زمانها زي الفل؟، حد مدايقك تروح مستل السيف من الهوا وقاتله وبعدين تخبيه في الهوا تاني، وهو يروح طالعلة درع حديد فالسيف يعمل شرارة مع الدرع ومايحصلوش حاجة، تقوم انت طلعالك دبابة وتتكون حواليك وتروح نافخ امه.
او مثلا تبقي واقف كده في اشارة قافلة تروح طالع بالعربية وتكسر الاشارة بس بدل ماتجري بالعربية تطير بيها.
ولو نفسك في مج نسكافيه والانبوبة فاضية تروح فاتح بقك تطلع نار، ساعتها كانت فرص العمل زادت وبدل مالمطاعم تشتري بوتجزات تجيب ناس عادية يسووا الاكل ويوفروا الصيانة والتجديدات، اللي ناره تخلص يترفد ويجيبه واحد بداله، واللي خطيبته تسيبه وتاكل عليه الشبكة بدل مايرمي عليها مية نار ينفخ في وشها، والبوليس يستجوبوا يقولهم ايه باتنفس، بس كان هايبقي فيه صعوبة في انك تبوس منغير ماتتنفس، كانت كلمة "هوت" زمانها ليها معني حرفي -ححح-.
ويا لو انت حرامي وأول مالبوليس يكبس تروح مختفي، كنت هاتبقي عالمي بجد.
لو مافيش جاذبية تيجي تشرب شوربة تلاقي الشوربة دخلت مناخيرك وحرقتلك عينك، وكل ماتاكل الاكل برضو يفضل واقف في زورك، عشان تبلّع تروح واقف علي راسك، تيجي تحط جل علي شعرك يفضل فوق راسك بكام سنتي زي آلهة الاغريق، ولو عيل صغير اتجنن وقال ينط يروح ملزوق في السقف او يطلع يجيب تلج من السحاب ويرجع.
لو ضغت الهوا برة البيت غير اللي في البيت، تيجي تفتح الشباك تلاقي نفسك اتشفط.
لو الواحد في الضالمة بيطلعله كشاف من فوق راسه ويكمل طريقه عادي.
لو عندنا خاياشيم ونعمل مسابقة غطس كلوا يكسب فيها.
مش كانت الدنيا هاتبقي زي الفل؟

2007-10-24T10:52:00.000-07:00

"ياااااه انا حاسس انى فى الجنه"
الكلمة دى فطستنى على نفسى من الضحك
هتقولو ليه طبعاً
الكلمة اللى قالها واحد كان اول مرة يشرب حشيش وكان نفسه يجربه قوى
فبعد ما شرب ابتسم ابتسامة جامدة وفتح دراعة وقال يااااااااه انا حاسس انى فى الجنه

2007-10-16T13:00:00.000-07:00

انا:لما ابقي رئيس هاجي احتل بيت من بيوت روكسي الحلوة ديه اصلي هازهق من القصر هايبقي زي سجن
دعاء:مانت كده هاتبقي رئيس فاسد
انا:لا مانا هادي لصاحب البيت القصر
دعاء:طيب مانت ممكن ماتقولوش انك الريس
انا:علي اساس ان الرئيس ده وجه جديد مثلا
دعاء:لا مانت ممكن تبقي رئيس ملثم والشعب مايبقاش عارفك الوزراء بس هم اللي يبقوا عارفينك

ديه مقتطفة من خروجة كلها تهييس في هرتلة

2007-10-01T14:43:00.000-07:00

مش معقول البنات الوحشة بس هي اللي بتركب مواصلات.يعني يجري ايه لو كل اب يبقي عندو حس وطني ولو شايف ان بنتو حلوة يخليها تركب ميكروباص او اوتوبيس بدل ماهي مخلاصاله البنزيين.لازم الناس تحس بالشباب اللي قرف من الخلق اللي في المواصلات ويخففوا علينا كده في الحر ده .برضو اللي شايف بنتو وحشة لازم يوصلها بعربيتو ديه بنتو برضو ماينفعش تتبهدل في المواصلات.علشان كده انا باطالب كل اب وكل ام انهم يخلو عندهم دم بقي

2007-09-28T11:04:00.000-07:00

2007-09-27T14:05:00.000-07:00

حوار جامد مووووووووت
بعد ماتش الزمالك وطلائع الجيش
طبعاً طلائع الجيش هو اللى كسب
فالمذيعة فى القناه العجيبة اللى كنت بتفرج عليها واللى نسيت اسمها
كانت بتعمل لقاء بعد الماتش مع حارس مرمى حرس الحدود
تصوروا بتسأل الحارس بتقولة ....وانتا بقى ناوى تعمل اية الماتش الجااااى؟؟؟
هههههههههههههههههه
شفتوا السؤال العبقرى
نفسى اعرف هى كانت مستنية يرد عليها يقولها اية؟؟

2007-06-05T03:52:00.000-07:00

وبحبك وحشتينى

بحبك وانتى نور عينى

ده وانتى مطلعا دينى....بحبك موووووت

لفيت اد اية لفيت..ما لقيت غير فى حضنك بيض

2007-05-30T07:42:00.000-07:00

1em">egypt?
Taha: No NO NO..egybt very rich cantry...we have alot of cotton..alot of
water..and we have byramidz
Reporter: So do u make a lot of money?
Taha:No no.. it is not legal to make money..one frend i know make money
at home..and he go to brizon..if u make money at home..u can only give
it to za banzeena man..they take any money
Reporter: let me rephrase..since Egypt is a rich country.. do u have a
lot of money?
Taha:me?! ..Not alot..but I eat and drink Al7amdulelah?
Reporter:Then where does all the 1em">Egypt in the last 26
years
Taha:He build circle street,me7war street and make all streets one
way
Reporter:Thank you very much for ur time Mr. Taha
Taha:No broblem,only 10 bounds
Reporter:I never said i will pay u for this
Taha: Ok..just give me the (job) then..we smoke ,and make head
Reporter:Grrrrrrrr
Taha:ok ok..need a Taxi?

2007-05-16T11:04:00.000-07:00

لحد السنة اللي فاتت كنت بابقي مهيس 24 ساعة في ال24 ساعة دلوقتي بتجيلي الحالة ديه من وقت للتاني
وانا في اولي ثانوي كانت اختي بتاخد ماث مع نفس المدرس اللي كنت باخد معاه
كانت في تانية ثانوية ودرسها في البيت
لما جه نادولي قالولي خد ورقك من هنا علشان مالي الترابيظة
المهم خدته وقعدت ازاكر ومركز اوي علشان الامتحانات كانت قربت
اول لما جه يخرج خرجت اكلمه وكده فقاللي ها زاكرت قلتله ايوة طبعا علشان الامتحانات ده انا حفظت الورق
بس فيه حاجة محيراني اوي
هو انت اديتني
excellent
امتي يا مستر
قالي مش عارف وريني الورق كده
ده ورق اختك يا اهبل
بتذاكر في ورق تانية اعدادي علي انه اولي ثانوي!
:)

2007-05-05T12:41:00.000-07:00

"to be or not to be" is balshit cuz since you are reading this,you already exist

that is my motto

2007-04-23T08:59:00.000-07:00

زمان لما كنت باتفرج علي التلفزيون ماكنتش بابقي فاهم حاجة
حلوة اوي برائة الطفولة اللي هي طبعا غير برائة الاختراع(شباب من اجل الألش)
كنت باتفرج مره علي فيلم فيه الممثلة ماجدة
بتقول
ممدوووح
ممدوه
ممدووووه
وانا اقول لابويا هي ليه بتقول ممدوووه زي ماتكون عاوزة تدخل الحمام كده ليه
اتاريها عاوزة تروح حتة تانية
اتاريها غير الاتاري بتاعها
وبرضو شباب من اجل الالش

2007-03-22T21:02:00.000-07:00

2007-02-13T21:15:00.000-08:00

شفتوا اللى حصل ..قــــا ل ..الحاج طنطاوى بيحث الفلسطنيين بأن يهبوا للدفاع عن القدس
واخدين بالكو..من يهبوا دى
يعنى لو حد راح يهد الكعبه الصبح هيطلع على الضهر ويطالب الشعب السعودى بأن يهبوا للدفاع عن الكعبة الشريفة
والنبى ده كلام

2007-01-26T11:49:00.000-08:00

Whatever you do, DON'T CLICK ON THIS!!!
مهما عملت
لا تضغط علي هذا

2007-01-19T11:10:00.000-08:00

تهييسة من أجمل ما قرأت

ومع سهولة معاني التهييسة إلا أنني أخشى أن بعض متوسطي الفهم قد يجهلون بعض معانيها القيمة لذلك أرفقت معاني الكلمات

يقول المهييس

تدفق في البـطـحـاء بعد تبهطلِ ***** وقعقع في البيداء غير مزركلِ‎

وســار بأركان العقيش مقرنصاً ***** وهام بكل القارطات بشنكــلِ‎

يقول وما بال البـحاط مـقرطماً ***** ويسعى دواماً بين هك وهنكـلِ‎

إذا أقـبـل البعـراط طاح بهمةٍ ***** وإن أقرط المحطوش ناء بكلكلِ‎

يكاد على فرط الحطيـف يبقبـق ***** ويضرب ما بين الهماط وكندل

فيا أيها البغقوش لسـت بقاعـدٍ ***** ولا أنت في كل البحيص بطنبلِ‎

معاني الكلمات‎

تبهطل : أي تكرنف في المشاحط

المزركل : هو كل بعبيط أصابته فطاطة

العقيش : هو البقس المزركب

مقرنطاً : أي كثير التمقمق ليلاً

البحطاط : أي الفكاش المكتئب

مقرطماً : أي مزنفلاً

هك : الهك هو البقيص الصغير

البعراط : هو واحد البعاريط وهو العكوش المضيئة

أقرط : أي قرطف يده من شدة البرد‎

بغير مهباج يبقبق : أي يهرتج بشدة

الهماط : هي عكوط تظهر ليلاً وتختفي نهاراً

الكندل : هو العنجف المتمارط

البغوش : هو المعطاط المكتنف

البحيص : هو وادٍ بشمال المريخ

الطنبل : هو البعاق المتفرطش ساعة الغروب

‎ وبعد هذا الشرح المفصل للألفاظ والكلمات ، نود أن نذكر أن قائل هذه الأبيات هو الليث بن فار الغضنفري ، وكان شاعراً فطحلاً ، روى الشعر وهو ابن عشرة أيام بصراحه مفيش أروع منها وخصوصااا البيت اللي قبل الأخير كلماتها روووعه

2007-01-16T03:03:00.000-08:00

زمان كنت لما باتخانق مع حد واحس اني عايش حياة مملة اقول لنفسي مش لو كنت ابن ناس تانيين كان هايبقي احسن...يعني مثلا لو شايف حياة حد حلوة اقول لو كنت انا هو وهو انا كان هايبقي احسن.
بس فكرت لو كان ده حصل مش هو كان هايقول لو كان مكاني كان هايبقي احسن
يعني انا ماكنتش هابقي انا بس انا بشكلي دلوقتي كان هايبقي موجود ومظلوم وبيقاسي برضه
sinceانا=انا
يبقي مافيش حاجة اتغيرت
وهافضل انا نفسي اني مابقاش انا
وهافضل انا انا
يعني انا قدري انا
حد فهم اي حاجة؟
بيتهايئلي لو ماكنتش انا انا كنتو هاتفهمو اكتر

2007-01-14T04:05:00.000-08:00

النهاردة كان عندى امتحان مصطلحات انجليزى فى الكلية

وبردة معرفتش احلmbc2 وقعد طول الليل قدام

2007-01-08T23:30:00.000-08:00

خدت بالي من حاجة وانا باسمع النشرة

فلسطين دولة منغير عاصمة

البحرين عاصمة من غير دولة

2007-01-03T12:59:00.000-08:00

بادئ ذي بدأ ..واولا وقبل اي شيء ومبدأيا ..ومما لا شك فيه انه يسرنا ان

نعلن نحن الحركة الوطنية ((شباب من اجل التهييس )) بمناسبة حلول عام 2007

عن اننا لن نتراجع ابدا

ولن يخيفونا بتهديداتهم الزمخشرية ولن يرهبوننا بادواتهم القمعية

ونحن على طريق التهييس سائرون ...وللدماغ ميكفون

ومهما فعلو لن نتراجع وسنظل صامدون صامدون

هذا مبدأيا حتى اشعار اخر

ونعلن نحن قادة هذه الحركة المباركة التي تنضح بالجمال وتتميز بالعز والسرور

باننا سنعلن عن مطالبنا العادلة الكاملة الشاملة التي نريد من خلالها اصلاح المجتمع الفاسد المنحل الوحش الكخة ونشر الخير والفضيلة والجمال وكل حاجة حلوة

ونعلن بلا مواربة وبلا هوادة اننا لن نتراجع ابدا ولن ننصاع لارادة الشر المطلق باعوانه ومريديه قاتلهم الله

وسنجعل هذا البوست منبرا لنا جميعا كي نعلن مطالبنا العادلة الشاملة الكاملة

واول هذه المطالب التي نعلنها ولن نتراجع عنها

هو

اقرار برنامج قومي مصري لنشر التهييس بجميع فروعه وعلومه بين جموع الشعب المصري العظيم

ويكون هذا المشروع القومي بعنوان ((التهييس للجميع )) او

((التهييس في يد الجميع ))

ولن نتراجع ابدا عن هذا المطلب ما دمنا احياء ومادام في الصدر قلب ينبض

(( الحتة دي مش بتفكركم بكلام واحد صاحبنا ؟؟))

وثاني مطالبنا نحن معشر المهييسين

السماح باستيراد وتصدير وبيع وشراء جميع انواع المخدرات والمكيفات

حرصا على سلامة امن مصر القومي

وصدقوني انا غرضي مصلحة مصر العليا

مش يا جماعة لما نسمح باستيراد الحشيش والبانجو هناخد عليهم جمارك ودمغات وخلافه

كده احسن ولا نسيب التجار الوحشين يهربوه ويجيبوه مغشوش ؟؟

ومنخدش جمارك عليه

صدقونا يا قوم ..ان غرضنا هو دعم الاقتصاد المصري ودعم التنمية والاستقرار ولا مساس بمحدودي الدخل

حيث نطالب الدولة بان توفر لمحدوي الدخل كافة انواع المخدرات والمكيفات المدعومة

وطرحها في كل المنافذ المتوفرة

وتسهيل الاجراءات لكل المواطنين للحصول على حصتهم من الحشيش المدعم بواسطة البطاقات الاليكترونية

وهكذا يا شعب مصر العظيم

سنظل على العهد سائرون ولن ننتكس ولن نتقهقر

و لن نتراجع عن التهييس

فالدماغ من غير كيف ..زى الفارس من غير سيف

فهيا يا معشر المهيسيين ...قولو وافصحو عن مطالبكم

ولا تخافو ولا تتراجعو ولا تهادنوا اعداء الكيف

فمصيرهم السحل والضرب تحت ايدي شبابنا المبارك حماه الله

هيا يا معشر الشباب

قولو مطالبكم باعلى صوت لديكم

2007-01-01T04:19:00.000-08:00

دخلت اكل في بيتزا هت السنة اللي فاتت طلعت السنة ديه
finally my time-machine works

2006-12-27T22:16:00.000-08:00

انا من مزنقى هنا بضم صوتى لصوت الاخ الفاضل عربى واحب اقول إننا مهييسين وقد عاهدنا انفسنا على ان لا نصحصح او نفوق للابد
ولكن ليس معنى ذلك ان نكون خربانين ...لا.لا.
ايوة كدة اقف يا عم الحااااااااااااج !!!خربانين لا مهييسين اه
وكل واحد عارف تمامه اية؟

كانت تكاد تكون جلسه سرية فى محل متر فى متر ..الكوباية فى النص وكله قاعد حوليها فى سكون تام لحد ما تيجى عند كل واحد فى دوره كانت الجلسه تضم محد الشيخ ومحمود نجمة واحمد حسان
فمحمود نجمة قال بصوا يا جماعة المرة الجاية نبقى نروح نجيب الكابتشينو من اسكندرية
محمد الشيخ: اه قشطة تمام نروح احنا التلاتة
احمد حسان: تمام طيب يلة نحسبها ..بالميت يعنى مواصلاتنا احنا التلاتة رايح جاى 100 جنية ده عشان مش هنعرف ناخد العربية وتانى بند قولوا هناكل ومصاريف وتكسيات جوة اسكندرية 100 كمان
محمود نجمة: اه تمام
احمد حسان: وبعدين نجيب ربع قرش ونيجى ياااااااااااااا غبى

وفى نهاية كلامى احب اوجه الحديث للساده المسؤمين واقولهم إن الدماغ من غير كيف ..زى الفارس من غير سيف
فهى حاجة من 2 لتوفرلهم الكيف يأما تقتلوا الفارس

2006-12-20T13:01:00.000-08:00

كان المفروض يبقي البيان التأسيسي لحركة شباب من اجل التهييس

لقد خلقنا الله مهيسين ولم يخلقنا مصحصحيين او حتي فايقين
والله لن نفوق ولن نصحصح بعد اليوم

بندحرج المسا علي المخاخ المهيسة

2006-12-10T04:06:00.000-08:00

بعد 17 سنة الا خمس شهور عيشة مع نفسي اكتشفت اني اقربلي...انا كنت عارف بس

ماكنتش واخد بالي اكمني اعرفني من قبل ماعرف اني اقربلي انا يا اخواني طلعت ابن بنت خال ابويا وابن ابن عمة امي طبعا بعد الاكتشاف ده هاتعود اوي علي نفسي وخصوصا اني مش بس عايش مع نفسي وبنام انا ونفسي في نفس الاودة كمان طلعت اقربلي

ايه اللي انا باقوله ده؟
:)